Mir sind e chleine glatte Huufe, wo gärn zämä Musig macht. Mir händ uns uf Fahne gschriibe, dass mir wieder chli e entspannteri Fasnacht mache wänd. Also ned durchs ganze Joor dure verteilt duzendi vo Utritt und Aläss quer durch d Schwiiz verteilt, sondern gmüetlich d Fasnacht in dr Region gniesse.

Mir träffe uns ab Mitti Oktober jedi Wuche am Fritig Obe zum gmeinsame probe und drnach velicht no ein go schnappe. Zu de wüchentliche Probe hämmer im Novämber e Probewucheänd und im Dezämber und im Januar je en Probetag.

Vor Januar nämme mit keini Uftritt a und au abem neue Joor bis zur Fasnacht nur e gueti Hand voll. Die sind mehrheitlich au in dr Region.

An dr Hauptfasnacht legge mer e Zacke zue. Do grift unser Hauptgedanke, wieder mehr Fasnacht in de Beize z mache und au die kleine und spontane Uftrittli wieder ufläbe z loh.

Dr Uftakt mache mer am Schmutzige Donnstig ufem Nepomukplatz z Dornach.

Näbst dr Fasnacht z Dornach sind aber au Rynach und Aesch feste Bestandteil vo unserem Tourplan

Am Samstig vor dr Basler Fasnacht nähme mir am Dornacher Fasnachtsumzug teil.
(für gnaueri Infos zu däm, verwiise mir gärn ans Komitee www.fasnacht-dornach.ch)

Dr Abschluss vo dr Fasnacht bildet s Fasnachtsfüür bim Sportplatz Gigersloch.

Unser gnaus Programm findisch uf unserer Homepage und falls de Glust bechunnsch zum Mitspiile... eifach rasch e Mail mache und denn verbi cho und ineluege.

Fr 20.00-21.30